دولــــة قــبـــطــيـــة

 دوله قبطيه هو عباره عن هاشتاج أطلقه نشطاء على موقع التواصل تويتر (#دولة_قبطية *) (يوم 5/7/2012)

اضغط على الصورة للتكبير

   

 كان هدفه تبادل أدوار بين المسلمين والمسيحيين والبهائيين,,,إلخ حتي يعلم     الجميع النصف الأخر من الصور الموجودة في الجرائد ومقاطع النفاق المتبادل علي  اليوتيوب والفضائيات ((*)))) &حاله افتراضيه يعنى &

بمعني أخر هو محاولة لرمي حجر في بركة الطائفية في مصر,,وتفسير حاجات ممكن تكون مش مفهومة,,,والأهم من كدا نقل شعور ممكن يكون مش مفهوم بالنسبة للبعض إلا لو خاضوا تجارب معينة,,,يعني,,تكسير للتلج مش أكتر :)

الفكره ابتدات بسؤال ماذا لو؟.  انطلاقًا من هذا السؤال بدأت التدوينات والمشاركات
بمعنى "المسيحيين يحطوا نفسهم مكان المسلمين، والمسلمين يحطوا نفسهم مكان           المسيحيين، واللي مترضاهوش لنفسك مترضاهوش لغيرك"،
     

 المحاوله دى كانت اكتر من رائعه وعكست ووضحت حاجات كتير عند الطرفين وعند كل الناس اللى شاركت او اطلعت على الحاجات اللى اتكتبت .

بالنسبه ليا كمسيحى كنت سعيد جدا  بحاجه زى دى لانى كنت شايف وحاسس مفعولها اكتر من المفعول انى بعد كل مشكله بتحصل للمسيحين او اى أزمه    تحس بشويه تعاطف ويخلص الكلام وهكذا دواليك لكن فى الحدث ده اعتقد مفعوله ونتيجته بين الوسط اللى شارك فيه كانت اكبر وأفضل 

( الهدف من كتابه  المقاله أو الموضوع  ده انى  انقل  ليكوا المشاركات.  مش هطول عليكم أكتر من كده) 

 يلا نقرأ المشاركات 

 دولــــة قــبـــطــيـــة

‪#‫دولة_قبطية تجمهر مئات الأقباط وقطع السكة الحديد اعتراضا على تعيين وزير مسلم وبعض المتظاهرين يرفعون علم الفاتيكان



‪#‫دولة_قبطية بنت محجبة ماشية في الشارع..طلع عليها تلاتة لابسين صلبان و قالولها بكرة هنقلعك الحجاب .صوتت و لمت عليهم الناس..طلعوا أمن دولة



‪#‫دولة_قبطية و برغم من ان الدولة معظمها اقباط. لا يزال هناك تظاهرات تهتف "قبطية قبطية" لماذا؟ و لمن؟ لا احد يعرف.. انه الطرف الثالث اكيد

‪#‫دولة_قبطية : كتب التاريخ تذكر كيف رحب المسلمين بالفتح القبطى لمصر و عندما فتح مينا مصر فرض على كل مسلم الجزية عن يد وهم صاغرون :)

‫#دولة_قبطية واحد مقدم على وظيفة. اسمك إيه؟ سامح وجيه؟ الثلاثى؟ سامح عادل وجيه. الرباعى؟ سامح عادل احمد وجيه. طيب ما تقول احمد على طول"




‪دولة_قبطية كل جامع نبني قدامه كنيسة برجها مرتين قد المأذنة حتى لو كان فيه عشر كنايس موجودين من الاو ل".#‫



‎‫#دولة_قبطية‏ احنا الاغلبية في مصر رجاء احترام اراء الاغلبية


· #دولة_قبطية‏ الأهرام: "القبض علي شاب ماليزي بحوزته متشورات (دعوية

· #دولة_قبطية‏ القس في نهاية الصلاة:"اللهما يتم أولادهم ورمل نسائهم وفشل شبابهم " -الشعب يردد:"كرياليسون"

دولة_قبطية‏ المطران يوحنا السابع:"بيع الخرفان قبل عيد الأضحي حرااااااااااااااااااااااام"

دولة_قبطيه جماعة الإخوان المسيحيين: وجودنا في الانتخابات مشاركة لا مغالبة

دولة_قبطية مرشح الإخوان المسيحيين: نسعي لإقامة دولة خلافة أرثوذكسية عاصمتها موسكو

دولة_قبطية‏ الأهرام:"تجمهر أهل القرية بسبب علو صوت الأذان,,وحل الموضوع عرفيا بلإتفاق علي التأذين مرة واحدة يوميا"

دولة_قبطية‏ ملصقات في الجامعات والمواصلات:"مسيحيتك في خطر!! فماذا أنت فاعلو(ن)"

دولة_قبطية‏ اليوم السابع:"تجمهر أهل مدينة,,, بعد إشاعات عن شروع أحد الأفراد بتحويل بيته لمسجد

دولة_قبطية‏ وزير التربية والتعليم:"لا أري مشاكل في تدريس الطلاب المسلمين النصوص المسيحية السمحة,,أليست بها قيم إنسانية رفيعة!"

دولة_قبطية‏ التليفزيون المصري:"المسلمين بيضربوا الجيش,,إنزلوا إحمواا الجيش"

· ‫#دولة_قبطية‏ مصر هتكون ممول للجماعات الأرثذوكسية في قارة افريقيا

· ‫#دولة_قبطية‏ يعني الجروبات الدراسية بتاعة طلبة الجامعات تكون مليانة فيديوهات ترانيم ووعظات وكل البهاريز المطلوبة

دولة_قبطية‏ الثورة كانت ثورة مسيحية,,,مش ثورة الشباب ولا ثورة شعب,,,دي ثورة لتطبيق الشريعه المسيحيه واعلاء شريعه الله

#دولة_قبطية‏ وأنا راكب لقيت واحد بيوزع بسكوت عجوة والناس خارجة بعد الجمعة العظيمة,إللي جنبي قاله :شكرا أنا مش مسيحي,قاله:يعني أني إللي مسيحي

· #دولة_قبطية‏ القس في وعظته:"العلمانية أمك تلبس حجاب, أمك ايوة أمك انت !! يا كفرة



· ‫#دولة_قبطية‏ أنا طول عمري متربي مع أصحاب مسلمين,,,والحاجات اللي بتحصل دي غريبة علينا!!

· ‫#دولة_قبطية‏ ولد مسلم كاتب علي فيسبوك:"سواق المكروباص كان معلي المزامير قوي!! ماعرفتش أراجع قبل الإمتحان!!

دولة_قبطيه أبو بولس:"المسلمين بيضربوا علي المسيحيين الغلابة نار,,نار من جوة المساجد,,مانبقاش رجاااااااااالة,,,,"

‫#دولة_قبطية‏ الراجل ده مسلم بس بحق ربنا راجل كويس ومحترم و أمين‎

#دولة_قبطية‏أخيرا عيد الأضحى بقى أجازة رسمية

#دولة_قبطية‏ الحكومة دبحت كل الخرفان في أزمة إنفلونزا الخرفان والمربيين المسلمين بيشتكوا من قطع عيشهم
· ‫#دولة_قبطية‏ عيل مسيحي يقول لعيل مسلم:"هاتعيش في كنفي وحمايتى"ا

· ‫#دولة_قبطية‏ في حالة تغير الأب أو الأم لدينهم,,الأولاد يكونوا في رعاية (أفضل الوالدين دينا) فاهمني إنت ;-) *غمزة*

· ‫#دولة_قبطية‏ الشاب المسلم:"يابني إسمنا مسلمين مش خوارج!!!!"-"لأ أبونا قاللي إن إسمكوا خوارج" (عن لفظ نصاري للي مش فاهم

· #دولة_قبطية‏ إمتحان العربي,السؤال الأول-إجباري\ أكتب مما حفظت:الموعظة علي الجبل


#دولة_قبطية‏ وقالت الصناديق للصليب نعم

#دولة_قبطية‏ هو ليه كل الجواهرجية مسلمين

#دولة_قبطية‏ متطرفين مسيحيين يحتجون على بناء مسجد له مأذنة بدون ترخيص ويحاولون هدمها والأمن المركزي يتدخل لفض الإشتباكات

#دولة_قبطية‏ وزارة السياحة تعلن عن قرعة الحج والعمرة الى اورشليم القدس


#دولة_قبطية‏ رحت أخلص ورق في الشهر العقاري لقيت الموظف راح الكنيسة وسايب الناس واقفة طابور

#دولة_قبطية‏ الاقلية المسلمة تشتكي بسبب تحفيظ أطفالهم الأنجيل في حصص اللغة القبطية بالمدارس
#دولة_قبطية‏ كل ما تركب تاكسي تلاقيهم مشغلين ترانيم ومرة قلت لسواق ميكروباص يوطي الترانيم شوية الركاب اتخانقوا معايا وكانوا فاكرين إني مسلم

· ‫#دولة_قبطية‏ بعد المسلسل العربي برنامج:"حديث الروح (القدس)" الساعة 9:45 –

· ‫#دولة_قبطية‏ يعني الجماعات المتطرفة كل مايعملوا إنجاز سياسي يقولوا :"تسبيـــــــــــــــــــــح·

· ‫#دولة_قبطية‏ ميخائيل عبد المسيح:"ياواد يا مقدس!!!!!!!!!!!!!!!!"

متوقع بعد ما تقروا الحاجات دى فيه ناس هتدرك معنى الفكره وهدفها وهتتفهم     االمشاركات وفى نفس الوقت متفهم انى هيكون عند البعض اعتراضات على الفكره و ممكن يقول كمان انها بتزيد من المشكله بس  انا شايف انى ده رأى متعصب ومن النوعيه اللى بتدفن راسها فى الرمل .الهاشتاج عبقري أظهر خفة دم المصريين، أظهر سماحة وتفهم الكثيرين لمشاكل الأقباط، حتي لو أساءت القلة فهمه، فكل هذا بالضبط حال مجتمعنا....... بغض النظر عن أى حاجه مفيش شك  ان أى مصرى بيحلم بمصر جميله..... كل سنه وكل مصرى بخير وصحه وسعاده .

تحياتى 
لو الموضوع عجبك على اليمين ممكن تعمل شير للموضوع على الفيس بوك او تحت ممكن تقولنا رأيك وتعليقك اللى أكيد يهمنى. او ممكن تعمل لايك

  

Be a Fan